Tiranë, 3 Dhjetor 2019 –Grupet e shërbimit psiko-social tëorganizuarnga CRCA/ECPAT Shqipëri, të cilët prej disa ditësh kanë nisur punën e tyre në kampet e ngritura për të dëmtuarit nga tërmeti, sjellin një tjetër përjetim domethënës fëminor dhe një“leksion”që një fëmijë 7 vjeçar me çiltërsinë e tij përqafon situatën e rëndë të krijuar nga tërmeti i 26 Nëntorit. Fëmijët kanë gjetur mënyra të veçanta për tëpërballuar situatën dhe këto CRCA po i mbledh ga të gjitha kampet në tëcilat punon.
Djali quhet Arbër, ndjek klasën e pare fillore dhe atë natë së bashku me prindërit e tij përjetoi lëkundjet e forta të tërmetit. Edhe pse familja e tij u largua për disa orë nga banesa, Arbri nuk e humbi shtëpinë e tij dhe sot banon sërish në Durrës.
Arbri e ka krijuar këtë përrallë duke ja kushtuar shokëve tëtij që humbën shtëpitë. Ai, madje i ka kërkuar prindërve të tij që tregimin domethënës ta shpërndajnë në celularët e prindërve të shokëve të tij tëklasës, në mënyrë që ai ti japë atyre sadopak forcë, vendosmëri e shpresë.
Zëri që do tëdëgjoni më poshtë është zëri Arbrit i cili e ka treguar vetë përrallën, por ky zë vjen si një “shuplakë e fortë” për të gjithë realitetin që po fashitet dita-ditës nga zbulimet e mënyrës, cilësisë dhe standarteve në të cilat janë krijuar banesat në Shqipëri.
Më poshtë gjeni përrallën e shkruar tëArbrit 7 vjeçar, e cila I është transmetuar stafit tone në formë audio:
“Tërmeti dhe Pema”
Si gjithmonë tërmeti, shkonte me shkatërru shtëpitë. Një ditë pa një pemë, edhe mendoi tërmeti:
– Po shkoj ta shkatërroj pak këtë pemë!
Pema e kuptoi, edhe kur tërmeti u afrua te pema, ajo e dishe dhe tha:
– Përpiu të më shkatërrosh!
Tërmeti, u përpoq e u përpoq, por nuk e shkatërroi dot pemën. Tërmeti iku, dhe erdhi ditën tjetër. Fshatarët e kishin pare si tërmeti nuk e shkatërroi dot pemën. Kështu ata mblodhën pemë rreth e përqark shtëpisë edhe tërmeti u përpoq edhe ditën tjetër të shkatërroshe shtëpitë, por nuk i shkatërroi dot!
Tërmeti pyeti pemën qëkishe takuar dhe i tha:
– “Psenuk i shkatërroj dot shtëpitë una?”
– “Sepse ato”, – i tha pema – “kanë mbjellur pemë dhe ne kemi rrënjë, dhe rrënjët janë ngulur shumë fort. Tërmeti u zhyt shumë poshtë, por prapë nuk i shkatërroi dot, se rrënjët ishin ngulur aq fort sa tërmeti nuk i shkatërroshe dot.
FUND
Tregimi i shkruar ruan versionin origjinal të mënyrës fëminore të audios dhe jo atë gjuhësor.