Aktivistët e shoqërisë civile bëjnë thirrje për veprim dhe përgjegjësi në rishikimin e Pekinit + 25. Një grup i larmishëm prej 450 aktivistësh për të drejtat e grave nga Evropa, Amerika e Veriut, Kaukazi dhe Azia Qendrore u mblodhën në forumin rajonal të shoqërisë civile Pekin + 25, në Gjenevë, Zvicër, për të kërkuar veprime urgjente për barazinë gjinore dhe për të diskutuar për strukturat që pengojnë gratë dhe vajzat të gëzojnë plotësisht të drejtat e tyre.
Përpara takimit rajonal ndërqeveritar të Pekinit + 25, Komisioni Ekonomik i OKB-së për Europën (UNECE) organizoi një takim për të rishikuar arritjet dhe sfidat, më 29-30 Tetor 2019, ku aktivistet kërkuan politika gjithëpërfshirëse që avancojnë barazinë gjinore, zbatimin e tyre efektiv, financimin e duhur dhe përgjegjësinë në mënyrë që angazhimet e bëra nga udhëheqësit botërorë 25 vjet më parë në Konferencën e Katërt Botërore për Gratë në Pekin përkthehen në veprim.
“Parimet tona kryesore të forumit janë barazia gjinore dhe drejtësia, të drejtat e grave, respektimi i kufijve planetarë dhe qëndrueshmëria sociale, ekonomike dhe mjedisore,” tha Valentina Bodrug, një avokate e të drejtave të grave nga Moldavia.
“Sot është një moment kryesor për zërin e shoqërisë civile. Ne jemi këtu për të qenë të guximshëm dhe largpamës dhe të sigurohemi që zëri i grave dhe vajzave që vazhdojnë të përjetojnë forma të ndryshme të pabarazisë, përjashtimit dhe diskriminimit, të dëgjohet” – tha Alia El-Yassir, Drejtore Rajonale e Grave të Kombeve të Bashkuara për Evropën dhe Azinë Qendrore.
Viti 2020 shënon edhe 25 vjetorin e Deklaratës së Pekinit dhe Platformës për Veprim, agjenda më vizionare për të drejtat e grave dhe fuqizimin kudo të tyre. Vendimmarrësit dhe shoqëria civile në mbarë botën po mblidhen në mënyrë rajonale për të marrë përparimin në arritjen e barazisë gjinore dhe realizimin e të drejtave të grave.
Angazhimi juaj dhe përpjekjet e vazhdueshme për të formuar shoqëri më të drejta të barabarta janë thelbësore për ta kthyer Deklaratën e Pekinit nga një axhendë vizionare në një realitet të jetuar. Forca që po bashkon të gjithë ju, është bindja juaj se ne nuk mund të pranojmë më pabarazi bazuar në seks” – theksoi Olga Algayerova, Sekretare Ekzekutive e UNECE.
Rekomandimet kryesore që dolën nga takimi i shoqërisë civile përfshijnë: Korniza më të forta dhe më efektive të politikave dhe masave, për të avancuar axhendën e barazisë Gjinore dhe investime në shërbime të qëndrueshme të kujdesit e financimi i barazisë gjinore. Gjithashtu Investimi në të dhëna të ndara gjinore dhe ratifikimi i konventave ndërkombëtare, të tilla si Konventa e Stambollit dhe Konventat e ILO e sigurimi i një qasje ndërprerëse që garanton të drejtat e njeriut për të gjitha gratë, vajzat dhe personat jo binarë nga prejardhje të ndryshme, patenrëndësi. Ndërsa adresimi i reagimit kundër të drejtave të grave, hapësira e shtrëngimit për shoqërinë civile dhe boshllëqet e financimit, promovimi dhe inkurajimi i pjesëmarrjes së të rinjvedhe sigurimi i përgjegjësisë për angazhimet për barazi gjinore ishin një tjetër pike e diskutimit.
Përfaqësuesit e shoqërisë civile marrëshuan në qendër të Gjenevës, përpara zyrës së UN, për të bërë thirrje për më shumë përgjegjësi të qeverive ndaj angazhimeve të marra në Pekin, pothuajse 25 vjet më parë. Veprimtaria u organizua nga Women’s Major Groupme mbështetjen e Komitetit të OJQ-ve për statusin e grave Gjenevë dhe Zyrës Rajonale të Grave të KB për Evropën dhe Azinë Qendrore.